(الفصل الثامن و الأخير)
مشيت و أنا مصدومة معقول يكون قريب كدة مني و أنا معرفش لية عمل كدة ليية!
روحت القسم
_لو سمحت كنت عايزة أقدم دليل مهم في قضية قتل نور
_قوليلي التاريخ عشان أشوف الملف
_حاضر
_و أنتِ أية الي أكدلك إن دة الخاتم بتاع الدكتور عمرو
_بص حضرتك صورتة أهية و هو لابس الخاتم و فية جارة قالت إنها شافتة و لو جبتوها و ورتوها عمرو هتقول أنة هو
_أنتِ بتضيعلنا وقتنا
_يا فندم الي عمل في نور كدة لازم ياخد جزائة
_أحنا سجنا خالد عشان خبطها و نور أنتحرت خلاص
_تقى الي زقت خالد على نور يعني هو مضربهاش بالقصد
_أنتِ عايزة أية فهميني
_القضية تتفتح تاني و عمرو يتقبض علية
_قوليلي كل الي يثبت إن هو الي عمل كدة
_دية صورتة و في أيدة نفس الخاتم الي لقتوة و مدام عبير قالت إنها شافتة خارج من الشقة و هي وقتها متكلمتش عشان مكانتش متأكدة من الي شافتة هي ست كبيرة و معايا تسجيل للدكتور الي متابع حالة خالد بيقول إن أخوة عمرو دافعلة فلوس عشان يديلة حبوب و حاجات تبوظ أعصابة عشان يفضل في المستشفي و تقى مشتركة معاة
______________________
_مدام عبير قوليلي هو دة نفس الشخص الي شوفتية يوم وقوع الجريمة
_أيوة هو يا حضرة الظابط أنا متأكدة و دية الي زقتة برا الشقة
_ماشي تقدري تتفضلي دلوقتي
________________________
_لية عملتي كدة يا مروى دة أنا حبيتك
_المفروض أنا الي أسألك لية عملت كدة و كمان تعمل كدة في أخوك لييية
_علطول بياخد كل حاجة حتي نور لما حبيتها وكنت ناوي أتقدملها لقيتها بتقولي إنها بتحب أخويا يا مروى أخويااا أنا الي قولتلها أنه خاطب و أنة بيلعب عليكي بس هي برضة مرضيتش تحبني و بعدت عن خالد بس رجعتلة تاني و خالد كمان أبتدي يحبها و أنا مقدرتش معملش حاجة كان لازم أخلص منها لاني مش هقدر أشوفها مع أخويا
_قولي أية الي حصل في اليوم دة
_أنا و تقى أتفقنا أننا نتخلص منهم لان كل واحد فينا مش هيعرف يكمل حياتة و هو شايف حبيبة مع حد تاني، تقى راحت لنور و كانت مخططة لكل حاجة أنا كان عليا إني أخلص بس بعد ما لقيت خالد بيجري من باب الشقة دخلت و انا شايف نور بتستنجد بيا بتستنجد بالشخص الي جاي يخرجها من الدنيا بعدين تقي زقتني برا باب الشقة و بعديها بيوم قالتلي أداوم على حبوب الهلوسة لخالد عشان يدخل المستشفي و فعلا دخل المستشفي و بس
_كنت عايزة أقولك على حاجة
_…..
_نور كلمتني قبل موتها بأسبوع و قالتلي إنها هتوافق أنها تتجوزك لانها أبتدت تنسي خالد
_نور !!لا لا لا لا لما قتلتها كانت بتحب خالد
_كانت أبتدت تحبك بس أنت أتسرعت و مسيبتش الموضوع ياخد وقت الغيرة خلتك تقتلها، أنت جبان يا عمرو و هتفضل جبان مقدرتش تكمل حياتك من غيرها، هي كسبت علفكرة أرتاحت من كل القرف الي في حياتها إنما أنت هتفضل متعذب في السجن و فاكرها كل لحظة حتي يوم ما يلفوا الحبل حوالين رقبتك
فرصة سعيدة يا دكتور عمرو
______________________
_شكراً أنك أتعاونتي معانا و فتحتي القضية من أول و جديد
_العفو يا فندم
_عمرو بنسبة كبيرة هياخد أعدام و تقى أشتركت في الجريمة بس مش هتوصل لاعدام
_طب كويس بقول لحضرتك أنا لو عايزة أقول عن واحد أنه قتل بس الجريمة واضح إنها حادثة أعمل أية؟
_الدليل أهم حاجة في القضية
_طب ممكن أقول الاسباب الي خلته يعمل كدة و أنتوا تجيبوه و تخلوه يعترف
_ممكن
_تمام أنا بتهم عبدالله محمد السيد أنه بوظ فرامل عربية أختة و زوجها و السبب إن خطيبتة أتجوزت جوز أختة الي هو والد نور و كمان بعد ما ماتوا هو عامل نور بطريقة وحشة جداً ضربها كتير و أحياناً كانت بتدخل المستشفى و دة متسجل أكيد
_ماشي هيتم أستدعاء عبدالله فوراً
________________________
_هااا يا أستاذ قولي عملت أية
_أنتِ مكنتيش محتاجة محامي والله
_أنا أسفة والله بس أنا كلمت حضرتك عشان تقول الدليل قدام القاضي
_بصي يا أنسة مروى عمرو مش هيخرج منها و تقى خدت 15 سنة سجن بس أتحولت للمستشفي لان طريقتها قدام القاضي بتثبت أنها بقة شبهة مجنونة و عبدالله أخد مؤبد
_الحمدلله يارب الحمدلله شكراً يا أستاذ شكراً جداً
_العفو دة أنتِ الى حليتي القضية من أولها لأخرها
________________________
كل حاجة أتحلت نور مرتاحة دلوقتي و دية أكتر حاجة مفرحاني، خالد خرج من المستشفي و قبضوا على الدكتور الي متابع حالته
أنا مرتاحة إني قدرت أعمل حاجة لنفسي قبل نور
_أية يا مروى لابسة و راحة على فين كدة
_هجدد البطاقة
_اووة البطاقة وريني شكلك كدة
_سيبيهاا يا منى
_عايزة أشوفها أصبري
_…….
_شكلك نكتة، أية دة! دة نفس عيلة نور نفس أسم العيلة عيلة الجوهري و أسم الجد كمان !!!
_أيوة أنا أبقة بنت عمها
_أيه أزاي دة؟ و أزاي متقوليليش و أزاي عم عبدالله مخدش باله من أسمك
_أهدي و أنا هفهمك
_تفهميني أية دة كل ما أسألك لية بتعملي كدة تقوليلي نور بتجيلي و أختارتني و …
_أهدي بقة أنا مكدبتش عليكي نور فعلاً كانت بتظهرلي و قبلكوا كمان و قبل نرمين و قبلك أنا جيت هنا عشان أكشف الحقيقة مش أكتر
_جاية من 3 سنين و لسة كشفاها أمبارح؟
_أنا جيت هنا عشان نور كانت أكتر من أختي كنت عايزة حاجة تفكرني بيها و مع الوقت عرفت إن فية حد عمل فيها كدة، قبل ما تموت بأسبوع كلمتني و قالتلي إنها هتوافق تتجوز عمرو و بعديها بيومين أتصلت بيا و قالتلي إنها حاسة بحاجة هتحصل و قالتلي لو حصلي حاجة متسيبينيش، هي عمرها ما سابتني أصلاً
_أزاي هي محكتليش عنك قبل كدة
_كنت عايشة في أسكندرية و أول ما ماتت رجعت تاني و أقنعت بابا إني هعيش في شقة جمب نور لغايت ما أخلص الجامعة
_مقولتليش لية
_الكل كان هيقول إني عايزة أكدب إنها أنتحرت مش أكتر ميعرفوش إنها اكتر من أختي و عارفاها كويس
_و عم عبدالله
_أخوة الي خلاني أقعد في الشقة مش هو
_نور فخورة بيكي
_و أنا فرحانة إني رجعتلها حقها
_______________________
_ألو
_أيوة مين معايا
_أنا محمد
_محمد مين
_الي طردك من المحاضرة
_هااا ااا أزيك يا دكتور
_أسمي محمد بس، أتصلت عشان أقولك إن باباكي وافق حضري نفسك للخطوبة بقة
_نعم
_لا ما هو بالذوق بالعافية هتوافقي
_……
_نسيت أقولك حاجة
_أتفضل
_أنا بحبك علفكرة
_أنا لازم أقفل سلام
_أتهربي براحتك سلاام
بعد سنة أتجوزت محمد و خلفت بنت و سميتها نور كانت أحلي حاجة في حياتي
_نور جرالك حاجة
_لا يا مامي عمو ساعدني
_متشكرة اوي يا ….
_مروى !
_خالد !
_أزيك عاملة أية
_الحمدلله تمام
_دية بنتك
_اة
_عسولة أوي أسمها أية
_نور
أبتسم و بصلي و عينة مدمعة
_انت لسة فاكرها
_و مستحيل أساها يا مروى أنا اة متجوز دلوقتي بس نور هتفضل أول حب بنسبالي و بندم أنها عيطت في يوم بسببي
_كفاية تلت سنين ندم و عقاب
_عندك حق
_و عمرو
_مات من سنتين
_العمر بيجري لو فضلنا نبص ورا مش هنعرف نكمل يا خالد
_فعلاً عمري ما بنسي الماضي بس مكمل مش عايز أقف مكاني خايف في لحظة الاقي كل حاجة رجعت زيي ما كانت و لسة في المستشفي
_أنت طيب يا خالد غلطت اة و أتعاقبت بس خلاص صلحت كل حاجة بندمك
_شكراً يا مروى أنتِ أهم جزء في القصة دية أنتِ حليتي كل حاجة
_أنا ظهرت الحقيقة مش أكتر، معلش لازم أمشي متأكدة إني هشوفك تاني سلام
_سلام
_مين دة يا مروى
_دة خالد
_خالد جار نور؟
_اة كويس أنك لسة فاكر
_و هي دية حاجة تتنسي، هي الحكاية دية كانت أية بنسبالك يعني أثرت فيكي؟
_هي علمتني إن الحب لو أتبني على كدب بيقلب بحاجات توجع ممكن توصل للقتل
_يعني أيه
_لو خالد من الاول ساب تقى و خطب نور مكنش عمرو هيفكر فيها أصلاً بس لما لقي إن خالد أبتدي يحبها بس و مخدش خطوة جد قال يبعدها خالص و ميشوفهاش مع أخوة
_خالد الي غلطان في القصة بس؟
_لا و نور كمان لأنها رجعت لخالد حتي بعد ما عرفت أنه خاطب، غلطات صغيرة بتدمرنا فعلاً بس فية الي بيلحق نفسه و فية الي مبيقومش يصلح الي عمله
_أنتِ نعمة في حياتي يا مروى
_و أنت أجمل حاجة حصلتلي 
_بابي مامي أنتوا بتقولوا أية
_حبيبة قلب مامي كنا بنقول إن أهم حاجة في حياتنا هي الصراحة و إن الكدب دة حاجة وحشة جداً بتأذيكي أوي
_وحشة أوي!
_جداً لو قولتي الحقيقة هيبقة أحسن من إنك تكدبي على الاقل هتواجهي كل حاجة بتحصل إنما الكدب دة خوف لازم تبقي شجاعة دايماً
_أنا شجاعة يا مامي و مش هكدب أبداً
و نور بتلعب شوفت نور بنت عمي واقفة على البحر، بقالي سنين مشوفتهاش معرفش لية ظهرتلي دلوقتي
_نور وحشتيني أوي
بصتلي بحب و بصة على نور بنتي بصة رضا هي فخورة بيا
لقتها بتكتب على الرمل حاجة و بعديها أختفت
كتبت على رمل كلام مستحيل أنساة
“خطأة كان الكذب و خطأي كان المسامحة، أنا أكبر خاسرة بتلك القصة لأني أكملت رغم علمي بالنهاية، أنا المخطئة الوحيدة هنا سامحيني”
